Ti ál an kicha’ jun inik bo’(25), jun inik belew(29) ani jun inik laju’(30)ti its’ a septiembrej, jant’ini’ ejtil ti óx(3) ani ti tse’(4)ti its’ septiembrej, t’ajan i tének konowixtaláb ti jun yanel ati’klab, ju’tam jilk’on uludh jun i ela’intaláb k’al an káw k’al i atikláb xin inkiyal i tamkulum ati’klab xi talchik ba’ pilchik i ati’klabchik kwenchalabchik xi jilk’onenek ti k’wajil ti axe’ xi púlik bichow ti Nuevo León, tin k’alek’ij in inkintal an tamkuntaláb, abal ki bats’k’unchij in tsalapil, olchixtal, met’odhtal ani in inkintal tin k’alek’ij an káw tin ebal an konowixtaláb. Aniye jayej,ti buk(7) ti its’ septiembrej, nedhaj tin ebaltal an taltal konowixtaláb, ju’tam tejwamedhaj an tamkulumtsalap xi penen al an konowixtaláb ani inkiyat an t’ojodh xi ne’ets kin wewokna’ an t’ojláb, inkidh k’al an atikláb xi bijyat ti ál an konowixtaláb, aniye jayej k’al jun i olchix k’al an takux eyal xi ti CEENL, jun i eyal oklome’ xi ti INPI ani jun i eyal xi ti kuentalom bichow k’al an awiltaláb bolidtalab tin ál axe’ xi púlik bichow Nuevo León.
